लायन्स क्लव अफ तनहुँ भानुभक्त आयोजनामा व्यास ५ मा रहेको संगम प्रा.वि.मा न्यानो पोशाक वितरण गरिएको छ । लायन्स क्लव अफ तनहुँ भानुभक्तको अध्यक्ष लायन हर्षमान श्रेष्ठको अध्यक्षतामा भएको कार्यक्रममा संगम प्राविमा अध्ययनरत विद्यार्थीहरुलाई न्यानो कपडा वितरण गरिएको हो ।
विद्यालयमा अध्ययनरत विद्यार्थीहरुलाई जाडोवाट हुन सक्ने समस्या र त्यसले विद्यार्थीको पढाईमा असर पर्ने हुदाँ क्लवले सानो भएता पनि सहयोग गरेको अध्यक्ष श्रेष्ठले वताए । क्लवले विगतमा पनि विभिन्न समाजिक कार्यक्रम गर्दे आएका छौ, हाम्रो उद्येश्य नै समाजिक क्षेत्रमा काम गर्ने क्लव हो, त्यही अभियानको निरन्तरता हो, अध्यक्ष श्रेष्ठले भने ।
विद्यालयको प्रधानाध्यापक सुरेन्द्रराज खनालले क्लवको उक्त कार्यले विद्यालय र विद्यार्थीलाई सहयोग पुगेको वताए । लायन्स सुरेन्द्र पौडेलको प्रमुख आतिथ्यतामा भएको कार्यक्रममा निवर्तमान अध्यक्ष अर्जुन पौडेल, कपिल पाण्डे, तृतीय उपाध्यक्ष महेन्द्र थापा, सुजन वाग्ले समाजसेवी रविचन्द्र आचार्य, वडा प्रतिनिधी लक्ष्मि विक रहेको थिए भने कार्यक्रमको संचालन सचिव महेन्द्र गिरीले गरेका थिए ।
