स्वास्थ्य तथा जनसंख्या मन्त्री प्रदिप पौडेलले जी पि कोईराला अस्पताललाई ३०० सिटको वनाउन क्याविनेटमा लाने वताएका छन । नेपाली काग्रेस तनहुँले आयोजना गरेको वधाई कार्यक्रममा मन्त्री पौडेलले सो कुरा वताएका हुन् ।
नेपाली काङ्ग्रेस पार्टी र एमाले दुबै मिलेर सरकारमा गएको हुनाले जनतामा भएको निराशा चिरेर नयाँ आशाको किरण ल्याउनुपर्ने, बिसङ्ती र वेथिती विरुद्द आवाज उठाउदै मुलुकको समग्र विकासको निम्ति नयाँ योजना ल्याउने, ओरालो लागेको आर्थिक अवस्थालाई यूर्टन मारेर उकालो लगाउन पर्ने मन्त्री पौडेलको भनाई थियो ।
स्वास्थ्य तथा जनसङ्या मन्त्रालय पद्दतिगत रुपमा चल्न नसक्नु चुनौतीको विषय बताए । आम जनताको चासोको विषय विमा रहेको तर व्यबस्थीत नभएको उनको दावी थियो । यसका लागी विमाको दायरा फराकिलो बनाउन पर्नेछ । गतबर्ष ४८ लाख विमा नविकरण भएको र ३८ लाखले सुविधा पाएको साथै विमा व्यवस्थित भएमा संबैधानिक जिम्मेवारी पूरा हुने कुुरा बताए ।
स्वास्थ्य क्षेत्रलाई उपकरणयुक्त , पूर्वाधारयूक्त र दक्ष जनशक्तियूक्त बनाउन सकेमा नेपाललाई उपचारको हब बनाउन सकिने समेत सो अवसरमा वताए । औषधको मूल्य निर्धारण गर्ने, दीर्घ रोगीलाई औषधीको मूल्य घटाउने साथै जि.पी. कोइराला अस्पताल ३०० सिट र दमौली अस्पतालमा ५० वेडको बनाउने समेत मन्त्री पौडेलले बताए ।
