सिद्धार्थ विजेनेस ग्रुप हस्पिटालिटीको व्यवस्थापनमा तनहुँको दमौलीमा तीन तारे स्तरको सिद्धार्थ होटल संचालनमा आएको छ ।
करिव १ अरव रुपैया लगानीमा संचालन भएको उक्त परियोजनामा होटल र २ वटा फिल्म हल रहेको छ । सिद्धार्थ होटलको व्यवस्थापनमा शुरु भएको होटलमा सुविधासम्पन्न कुल ३४ वटा कोठा रहेको छ भने १ सय ५० जना क्षमताको र ४० जना अटने गरि २ वटा सभा हल समेत रहेको छ । ती सभाहलमा सम्मेलन, विवाह लगायतको कार्यक्रम गर्न सकिने होटलले जनाएको छ ।
पृथ्वी राजमार्गमा रहेको होटल काठमाण्डौवाट १५० किलोमिटर र सुन्दर नगरी पोखरावाट ५० किमिको वीच भागमा रहेको छ ।
होलमाअल डे डाईनिङ्ग रेष्टुरेष्ठ, वार रेष्टुरेष्ठ र सिद्धार्थ क्याफे रहेका छन् । होटल रहेको भवनमा क्युएफएकस सिनेमा हल, पर्याप्त सवारी साधन पाकिङ्ग गर्न सक्नेअन्डरग्राउण्ड पाकिङ र विद्युतिय चार्जिङ्गको समेत व्यवस्था समेत रहेको कार्यकारी प्रमुख सुशिल न्यौपानेले वताए ।
सिद्धार्थ हस्पिटालिटी अन्तरगत पाँच तारे स्तरमा सिद्धार्थ भिलासा, चार तारे स्तरमा सिद्धार्थ वैभव र तिन तारे स्तरमा सिद्धार्थ सिद्धार्थ बाटिका ब्राण्ड होटल संचालनमा रहेका छन् भने दमौलीमा संचालित होटल सिद्धार्थ बाटिका अन्तरगतको ब्राण्ड हो ।
